Həkimi xəstəxanaya yerləşdirilən Maradonanın durumunu açıqladı

  • By admin
  • 03 Noyabr 2020 21:51

Xəstəxanaya yerləşdirilən Argentinanın “Ximnasiya və Esqrima” komandasının baş məşqçisi Dieqo Maradonanın vəziyyəti açıqlanıb.

Gununsesi.info xarici mətbuata istinadən xəbər verir ki, bu barədə 60 yaşlı mütəxəssisin həkimi Leopoldo Luque məlumat verib.

O, əfsanəvi futbolçunun durumunun yaxşıya doğru getdiyini bildirib. Həkim Maradonanın bir neçə gün müşahidə altında olacağını və uzun müddət müalicə ediləcəyini söyləyib.

Maradona sonuncu dəfə oktyabrın 30-da “Ximnasiya və Esqrima” komandasının “Patronato”nu 3:0 hesabı ilə yendiyi çempionat matçında ictimaiyyət qarşısına çıxıb. Bu qələbə onun 60 illik yubileyinə təsadüf edib. Əfsanəvi oyunçu, matçdan öncə xatirə lövhəsi alıb, amma özünü pis hiss etdiyini deyərək qarşılaşmanı sonadək izləməyib.

Qeyd edək ki, son illər Dieqo Maradona səhhəti sarıdan çoxlu problem yaşayıb.

 

Gununsesi.info