Mayın 28-də görkəmli kamança ustası, Xalq artisti, Prezident təqaüdçüsü, Heydər Əliyev Fondunun mükafatçısı,“Şöhrət” və “İstiqlal” ordenli Habil Əliyevin (1927-2015) anadan olmasının 90 ili tamam olur.
Mədəniyyət və Turizm Nazirliyindən Gununsesi.info-ya verilən məlumata görə, Habil Əliyev əmək fəaliyyətinə 1953-cü ildə Azərbaycan Dövlət Filarmoniyasında başlamış, öz istedadı və zəhmətsevərliyi sayəsində qısa müddət ərzində xalq musiqisi incilərini dərindən öyrənmiş və 60 il ərzində öz ifaçılıq məharəti ilə milli musiqimizi zənginləşdirib. Onun böyük məharətlə ifa etdiyi muğamlar dinləyicilərin yaddaşına həmişəlik həkk olunub.
Qeyd edək ki, mayın 30-da saat 19:00-da Beynəlxalq Muğam Mərkəzində kamança ustası Habil Əliyevin 90 illiyinə həsr olunmuş yubiley gecəsi keçiriləcək.
Anar
Gununsesi.info
