Türkiyənin xarici işlər naziri Hakan Fidan Brüsseldə Ermənistan, ABŞ və Aİ arasında sabah keçiriləcək üçtərəfli görüşə dair bəyanat yayıb.
Gununsesi.info info həmin bəyanatı təqdim edir:
Azərbaycanın İkinci Qarabağ Müharibəsindən sonra işğal olunmuş torpaqlarını azad etməsi və 19-cu il tarixində Qarabağda keçirilən antiterror əməliyyatı vasitəsilə bütün əraziləri üzərində suverenliyini bərpa etməsi nəticəsində regionda davamlı sülh və sabitlik üçün tarixi fürsət yaranıb.
Bu tarixi fürsətin uğurunun bu qədər yaxın olduğu bir vaxtda üçüncü tərəflərin, xüsusən də regiondan kənardan olan aktorların prosesə ədalətli və qərəzsiz yanaşması və ona hər hansı zərər vurmaqdan ehtiyatla qaçması daha vacibdir.
Bu kontekstdə aprelin 5-də Ermənistan, Aİ və ABŞ arasında keçiriləcək üçtərəfli görüşün regionun mürəkkəb problemlərinin həlli üçün əsas olmalı olan neytral yanaşmaya zərbə vuracağını açıq şəkildə vurğulamaq bizim borcumuzdur.
Azərbaycanı istisna edən bu təşəbbüs Cənubi Qafqazın sülhə xidmət etməkdənsə, geosiyasi qarşıdurma məkanına çevrilməsinə yol açacaq.
Biz üçüncü ölkələri regionun parametrlərini nəzərə almağa və münaqişə tərəflərinə bərabər məsafədən yanaşmağa çağırışımızı təkrar edirik.
Biz qəti şəkildə inanırıq ki, Cənubi Qafqaz davamlı sülh və sabitlik əsasında çiçəklənəcək və layiq olduğu regional rifaha nail olacaqdır.
Həmişə olduğu kimi, Türkiyə bu mövzuda öz məsuliyyətini üzərinə götürməyə və Azərbaycanla Ermənistan arasında davamlı sülh üçün bu tarixi fürsət pəncərəsindən istifadə etməyə təşviq etməyə davam edəcək.
Gununsesi.info
