Tanınmış jurnalist, bəstəkar, Kəlbəcər ədəbi mühitinin görkəmli nümayəndəsi Hidayət Elvüsal bu sabah 75 yaşında dünyasını dəyişib.
Gununsesi.info xəbər verir ki, mərhum bəzi mahnı mətnlərinin müəllifi və həvəskar bəstəkar kimi də tanınırdı.
Əslən Kəlbəcərli olan jurnalist bir sıra mətbuat orqanlarında fəaliyyət göstərib. O, “Yenilik” rayon qəzetində, yerli radio verilişləri redaksiyasında çalışmaqla bərabər, Azərbaycan Dövlət Radiosu ilə əməkdaşlıq edib.
Hidayət Elvüsal “Səhər” qəzetinin yaradıcılarından biri, baş redaktorun müavini, “Belə-belə işlər”, “Kriminal” qəzetlərinin baş redaktoru olub.
Xatırladaq ki, Hidayət Elvüsal Azərbaycanın tanınmış şairi Sücaət Kəlbəcərlinin qardaşı olub.
Allah rəhmət eləsin.
Gununsesi.info
