Hindistanın Qucarat ştatında COVID-19 xəstələrinin müalicə aldığı xəstəxanada yanğın olub.
Gununsesi.info xəbər verir ki, hadisə Bharuh şəhərindəki xəstəxananın koronavirusdlu xəstələrin yerləşdirildiyi 4-cü mərtəbəsində gecə saat 1:00 radələrində baş verib. Hadisə yerinə gələn yanğınsöndürənlər xəstəxananın digər mərtəbələrində olan 50 pasiyenti təxliyə ediblər. Onlar ilk olaraq 12 nəfərin meyitini aşkarlayıblar. Axtarış işlərinin gedişində daha 6 meyit tapılıb. Onların bəzisi yanğın xəsarətindən, digərləri isə tüstüdən boğularaq ölüb.
Yanğın COVID-19 xəstələri üçün şöbədə başlayıb, bir saat ərzində yanğın söndürülüb.
İlkin versiyaya görə, yanğın qısaqapanmadan baş verib.
