Hindistanın mərkəzindəki Madhya-Pradeş ştatında 10-15 yaş arası doqquz uşaq və yeniyemə güclü yağışlardan sonra evin divarının çökməsi səbəbindən ölüb.
Gununsesi.info xəbər verir ki, bu barədə PTI agentliyi məlumat yayıb.
Hadisə dini tədbir zamanı baş verib. Uşaqlar dağılmış evin yaxınlığında quraşdırılmış çadırda olublar. Divarın çökməsi nəticəsində iki uşaq hadisə yerində, daha yeddi nəfər isə xəstəxanaya aparılarkən və ya tibb müəssisəsində ölüb.
Yerli hakimiyyət orqanlarının məlumatına görə, hadisə zamanı daha bir neçə uşaq yaralanıb. Yaralılar xəstəxanada müalicə olunurlar. Onların həyatı üçün təhlükə yoxdur.
Son həftələr yağan güclü yağışlar Hindistanın müxtəlif bölgələrində kütləvi daşqınlar, torpaq sürüşmələri və binaların, yolların və körpülərin dağılmasına səbəb olub.
Gununsesi.info
