Hizbullahın yüksək vəzifəli komandiri öldürüldü

  • By admin
  • 27 Fevral 2024 09:26

İsrail Livanın cənubuna hava zərbəsi endirib. Hücumda Hizbullahın yüksək vəzifəli komandirlərindən Həsən Hüseyn Səlaminin öldürüldüyü açıqlanıb.

Gununsesi.info xəbər verir ki, bu barədə İsrail ordusu məlumat yayıb.

Açıqlamada Hizbullahın yüksək səviyyəli simalarından olan Səlaminin Livanın cənubunda həyata keçirilən hava hücumunda öldürüldüyü bildirilib.

Bildirilib ki, Səlami Hizbullahın tərkibindəki Nasir İttifaqına və İsrailə qarşı tank əleyhinə raketlərin buraxılmasına cavabdehdir.

Təhlükəsizlik mənbələri qeyd edib ki, Salami Hizbullahın hərbi qanadında briqada komandiri rütbəsinə malikdir.

Hizbullah Salaminin öldürüldüyünü təsdiqləyib.

Oktyabrın 8-dən İsrail ordusu ilə Hizbullah arasında baş verən sərhəd döyüşlərində öldürülən Hizbullah üzvlərinin sayı 218-ə yüksəlib.

Hizbullahdan başqa bir yazılı açıqlamada isə İsrailin Livanın şərqindəki Baalbek şəhərinə hücumlarına cavab olaraq işğal altındakı Qolan təpələrindəki hərbi bazanın 60-a yaxın Katyuşa raketi ilə hədəf alındığı açıqlanıb.

İsrailin “Kanal 14” televiziyasının xəbərinə görə, raketin Qolan təpələrindəki qeyri-qanuni yəhudi Ştula yaşayış məntəqəsini vurması nəticəsində bir israilli yüngül xəsarət alıb.

İsrail ordusu döyüş təyyarələrinin Colan təpələrinə raketlərin atıldığı Kewkeba bölgəsini və Hizbullahın Ayta əş-Şaab bölgəsindəki hərbi məntəqələrini vurduğunu açıqlayıb.

Səhər saatlarında Hizbullah İsrailə məxsus Elbeit Hermes-450 tipli pilotsuz uçuş aparatını (PUA) zenit atəşi ilə vurub və PUA Livan ərazisinə düşüb.

İsrail ordusu PUA-nın vurulmasına cavab olaraq Livanın daxili bölgələrində yerləşən Baalbek şəhərində Hizbullah hədəflərinə hava zərbəsi endirdiyini açıqlayıb.

Livan mediasında yer alan xəbərlərdə İsrailin Baalbekdəki bəzi anbarları vurduğu və hücum nöqtəsində böyük dağıntının yaşandığı ifadə edildi. Hizbullah İsrailin hücumu nəticəsində iki üzvünün öldürüldüyünü açıqlayıb.

İsrail ordusu 2023-cü il oktyabrın 8-dən bəri Hizbullahla qarşıdurmalarda ilk dəfə olaraq ölkənin şərq bölgəsində Suriya sərhədində yerləşən Baalbek vilayətindəki Hizbullah hədəflərini vurub.

Gununsesi.info