Azərbaycan hökuməti Gənclər Fondunun maliyyə vəsaitinin azalmasını problem kimi qiymətləndirmir.
Gununsesi.info xəbər verir ki, bunu maliyyə naziri Samir Şərifov bu gün Milli Məclisdə (MM) büdcə ilə bağlı yekun mövqeyini açıqlayarkən deyib.
Onun sözlərinə görə, parlamentdə bir sıra deputatlar Gənclər Fonduna ayrılan vəsaitin artırlmasını təklif edib.
Nazir deyib ki, 2011-2016-cı ildə ölkədə gənclər siyasəti ilə bağlı 44,8 milyon manat, 2011-2015-ci illərdə gənclər siyasətinin həyata keçirilməsi ilə bağlı nəzərdə tutulan tədbirlən planı və proqrmaların icrası üçün 74 milyon manat ayrılıb.
“Bu müddət ərzində bütün proqramlar icra olunub və başa çatdırılıb. Ümumiyyətlə, 2011-2016-ci ildə ölkədə gənclər siyasəti ilə bağlı 100 milyon manatdan çox vəsait ayrılıb. Ona görə də növbəti ildə Gənclər Fonduna 11,5 milyon manat vəsaitin ayrılması məqbuldur və burada heç bir problem yoxdur. Ona görə də hökumət Gənclər Fonduna ayrılan vəsaitin azalmasını problem kimi görmür”- deyə, nazir bildirib.
Mürtəza
Gununsesi.info
