Hollandiyada Fermer Vətəndaş Hərəkatı Partiyasının namizədliyini irəli sürdüyü türk namizəddən Fələstini müdafiə edən açıqlamalarına görə üzr istəməsi və ermənilərə qarşı soyqırım yalanı ilə bağlı açıqlama verməsi tələb edilib.
Gununsesi.info xəbər verir ki, Hollandiyada ilk dəfə əyalət seçkilərinə qatılan və bütün vilayətlərdə ilk partiya olaraq ortaya çıxan Fermer Vətəndaş Hərəkatı Partiyası (BBB) noyabr ayında keçiriləcək ümumi seçkilərə hazırlaşır.
Mart ayında keçirilən və proqnozları və rəy sorğularını alt-üst edən BBB əyalət seçkilərində aldığı səs payını qoruyub saxlasa, ümumi seçkilərdə birinci partiya olaraq ortaya çıxacaq. 20 min üzvü olan bir Facebook qrupunun idarəçiləri tərəfindən qurulan BBB-nin 150 yerlik Hollandiya Nümayəndələr Palatasında 1 deputatı var.
Hollandiyanın Venendaal şəhərində yerli partiyadan Bələdiyyə Məclisi üzvü olan Yasin Makineli 2018-ci ildə keçirilən yerli seçkilərdə aldığı imtiyazlı səslərlə DENK Partiyasından Veenendaal Bələdiyyə Məclisi üzvü olub. Yasin Makineli əyalət seçkilərində DENK Partiyası tərəfindən millət vəkili namizədi olaraq irəli sürülməyib. DENK Partiyası ilə yollarını ayıran Makineli siyasi həyatını yerli partiyalarda davam etdirərkən, DENK Partiyası Əyalət Seçkilərində istədiyi nəticəni əldə edə bilməyib.
Hollandiya Əyalət Seçkilərində böyük sürpriz edən və Hollandiya Ümumi Seçkilərində ən iddialı partiyaya çevrilən Fermer Vətəndaş Hərəkatı Partiyası xarici və müsəlman üzvü olmamasına baxmayaraq, türk əsilli siyasətçi Yasin Makineliyə namizədlik təklifi edib.
BBB-nin namizədliyini irəli sürdüyü türk əsilli Veenendaal Bələdiyyə Məclisinin üzvü Yasin Makineli bu gün mətbuata açıqlamasında partiyanın namizədlik şərtlərinin ona təhqirdən başqa bir şey olmadığını açıqlayıb və namizədliyinin erməni lobbisi tərəfindən əngəlləndiyini bildirib. DENK Partiyasının rəhbərləri həmin lobbiləri təhrik edib.
Makineli Fələstini müdafiə etdiyinə görə ondan üzr istəməsinin və Türkiyənin ermənilərə qarşı soyqırım törətdiyi yalanını ictimaiyyətlə paylaşmasının istəndiyini açıqlayıb:
“Partiya rəhbərliyi məndən keçmişdə Fələstini müdafiə etdiyinə görə CIDI (İsrail Məlumat və Sənədləşdirmə Mərkəzi) adlı qurumdan açıq şəkildə üzr istəməmi və Türkiyənin ermənilərə qarşı soyqırım törətdiyi yalanını ictimaiyyətlə paylaşmağımı istədi. BBB rəhbərliyi mənə dedi ki, əgər mən deputat olmaq istəyirdim, bu maddələri qəbul etməliyəm”.
Səid Əhmədli
Gununsesi.info
