Şirkət rəhbərinin sözlərinə görə, yeni “Apple” smartfonu “5G” şəbəkələrində yüksək sürətə nail olub. J.Çjenfey qeyd edib ki, bu, “iPhone 12” smartfonunu dünyanın ən yaxşısı edir. Çin korporasiyasının top-meneceri, həmçinin vurğulayıb ki, qabaqcıl “Apple” qurğusu “Huawei” şirkətinin “5G” şəbəkələrində xüsusilə yaxşı işləyir: “Biz “iPhone 12″nin nail olduğu tərəqqini dəstəkləyirik”, – o bildirib.
J.Çjenfey “Huawei” şirkətinin Avropa ölkələrində şəbəkə infrastrukturunu xüsusi vurğulayıb: “Bizim şəbəkələr qlobal məhsuldarlıq testlərində ən yaxşısıdır”, – şirkət təsisçisi əlavə edib. Bundan başqa, o, “Huawei” şəbəkələrində iş üçün tam optimallaşdırılan “Apple” məhsullarından razılığını ifadə edib. “Bu fakt Avropada şirkətimiz haqqında fikirləri bərabərləşdirməyə imkan verir” – “Huawei” yaradıcısı vurğulayıb.
Sahibkar, həmçinin “Huawei” beşinci nəsil mobil rabitə şəbəkəsinin fəaliyyət göstərdiyi şəhərlərin adını sadalayıb. “Biz dünyanın əksər şəhərlərində – Berlin, Münhen, Madrid, Sürix, Cenevrə, Amsterdam, Vyana, Barselona, Seul, Banqkok və Honkonqda “5G” infrastrukturunun qurulmasına kömək etmişik”, – J.Çjenfey qeyd edib.
Gununsesi.info
