2017-ci ilin icmal büdcə gəlirlərinin ilkin təsdiq edilmiş məbləğlə müqayisədə 14,1% artaraq 22840,9 mln. manat, xərclərinin isə 3,7% artaraq 29828,3 mln. manata çatması proqnozlaşdırılır.
Gununsesi.info bunu Hesablama Palatasının 2017-ci ilin büdəcinə edilən dəyişikliklə bağlı Rəyindəaçıqlayıb.
İcmal büdcədə əsas dəyişikliklər hansı maddələr üzərində edilib?
İcmal büdcənim gəliləri 14 faiz artırılaraq 22,8 milyard manata qaldırıldı.
-Digər maddə üzrə “Dövlət büdcəsinin gəlirləri” 3 faiz artırılaraq, 16,7 milyard manata,
– Naxçıvan MR büdcəsinin gəlirləri 350,6 milyon manat,
– Dövlət Sosial Müdafiə Fondunun gəlirləri dəyişməyərək 3,4 milyard manat
– Dövlət Neft Fondunun gəlirləri 27 faiz artaraq, 10,6 milyard manat təsdiq edilib.
İcmal büdcənin xərclərinə gəlincə, yeni dəyişikliklərdən sonra 3.7 faiz artaraq 29.8 milyard manataçatdırılıb.
– Dövlət büdcəsinin xərcləri isə 6.2 faiz artırılaraq 17.9 milyard manat
– Naxçıvan MR büdcəsinin xərcləri 350,6 milyon manat
– Dövlət Sosial Müdafiə Fondunun xərcləri 3,4 milyard manat
– Dövlət Neft Fondunun xərcləri dəyişməyərək 14,4 milyard manat
– Xarici kreditlər hesabına maliyyələşən layihələr üzrə xərclər 2 milyard manat təsdiqlənib.
Hesablama Palatasının Rəyinə görə, büdcə kəsiri ilə bağlı ilkin proqnoz 30 faiz ixtisar edilərək 6.9 milyard manata salınıb. İcmal büdcə kəsirinin ÜDM-ə faiz nisbətinin 13,1%-dən 10,5%-dək azalması
gözlənilir. İcmal büdcə kəsirinin azalması icmal büdcə gəlirləri üzrə artımın xərclər üzrə
artımı üstələməsi ilə bağlıdır.
İcmal büdcənin tərkib komponentləri olaraq Dövlət Neft Fondunun gəlirləri üzrə 27,6% artım nəzərdə tutulub. Hesabatda əsas səbəb kimi neftin dünya bazarlarında qiymətinin cari ilin ilk 5 ayında proqnozlaşdırılan nisbətlə müqayisədə 35,0%-dək artması səbəbindən fondun gəlirlərinin artımı göstərilir.
İcmal büdcə xərclərinin strukturunda əsas artım mənbəyi dövlət büdcəsi xərclərinin 1051,0 milyon manat həcmində artımla proqnozlaşdırılmasıdır.
Vüsalə Rüstəmova
Gununsesi.info
