Böyük Britaniya və Şimali İrlandiyanın Kraliçası II Yelizavetanın ölümü onun həyatında baş verən bəzi olayları dünya mətbuatının xatırlatmasına səbəb olub.
Tez-tez ictimaiyyət qarşısında ciddi ifadə ilə çıxan Kraliça son illərdənralar həyatında yumoristik tərəfini də göstərib.
Gununsesi.info Britaniya mediasına istinadən II Yelizavetanın həyatında insanları güldürən 5 olayı təqdim edir.
Burada söhbət kraliçanın ayı Paddinqtonla sendviç yeməkdən tutmuş avstraliyalı xokkeyçilərin şəklini çəkdiyi ana qədər tamaşaçıları təbəssüm etdirdiyi anlardan gedir.
Ayı Paddington ilə çay süfrəsi
Kraliça Bukingem sarayında Ayı Paddinqtonu çay süfrəsi üçün qonaq edir
İyun ayında Platin Yubiley qeyd etmələri çərçivəsində Kraliçanın Ayı Paddinqtonla çay içməsinin videosu hazırlanmışdı.
Kraliçanın taxtda olmasının 70-ci ildönümünü qeyd edən Platin Yubileyi zamanı paylaşılan videoda Paddinqton şlyapasından sendviç çıxararkən “Mən həmişə fövqəladə hallar üçün birini saxlayıram” deyir.
Sonra Kraliça “Mən də” deyir və qara çantasından sendviç çıxarır.
James Bond ilə görüş
“Axşamınız xeyir cənab Bond”
Kraliça II Yelizaveta 2012-ci il London Olimpiya Oyunlarının açılış mərasimində yayımlanmaq üçün digər məşhur britaniyalı personaj Ceyms Bondu canlandıran Daniel Kreyqin çəkilişi ilə video hazırlayıb.
Rejissor Denni Boyl tərəfindən çəkilmiş videoda Bond Bukingem sarayında kraliçanı ziyarət edir və daha sonra helikopterlə saraydan ayrılır.
Daha sonra videoda kraliçanın helikopterdən atlayaraq Olimpiya Stadionuna daxil olduğu görünür.
Mərasim qılıncıyla tort kəsmək
Kraliça həyatı boyu çoxlu tortlar kəsdi, lakin onlardan biri mərasim qılıncı ilə idi.
2021-ci ildən Kornuollda keçirilən xeyriyyə tədbirində qılıncla tort kəsərkən bir könüllü ona bıçağının da olduğunu xatırladıb.
Kraliça dedi: “Bilirəm. Amma bu, daha qeyri-adidir”, – deyə o, cavab verib.
O, avstraliyalı xokkeyçilərin fotosuna düşüb
Qlazqoda keçirilən Birlik oyunları zamanı iki avstraliyalı xokkeyçi selfi çəkdirərkən, onların arxasında Kraliçanın kameraya gülümsədiyini bilmirdilər.
Fotonu Twitter-də paylaşan Jayde Taylor (solda) “Kraliça foto çərçivəmizə girdi!” dedi və foto internetdə yayıldı.
Arı sürüsünə güləndə
Kraliça keçən il vəfat edən əri Edinburq hersoqu Filip ilə minlərlə rəsmi tədbirdə iştirak edib.
Lakin 2003-cü ildə Vindzor qəsrində keçirilən tədbirdə arı sürüsü tədbiri pozdu.
Kraliçanın bu vəziyyətə güldüyü anlar fotoqraf Kris Yanqın obyektivində əks olunub.
Young BBC-yə “Bu, çox insani bir an idi” dedi. O, balaca bir qız kimi gülürdü”.
Gununsesi.info
