İlham Əliyev “Molotov kokteyli”ni azərbaycanlı alimin icad etməsindən danışdı

  • By arzu
  • 09 May 2020 13:24

“Azərbaycan elminin təmsilçiləri Qızıl Ordunun qələbəsinə önəmli töhfə veriblər, buna misal “Molotov kokteyli”dir”.

Gununsesi.org xəbər verir ki, bunu ölkə başçısı İlham Əliyev yaxın günlərdə nəşr ediləcək “Milli müdafiə” jurnalının may buraxılışına verdiyi müsahibəsində bildirib.

“Eyni zamanda, bizim ümumi qələbəmizə Azərbaycan elminin təmsilçiləri əhəmiyyətli töhfə veriblər. Bu barədə az adamın məlumatı olsa da, Azərbaycanın böyük alimi Yusif Məmmədəliyev “Molotov kokteyli” olaraq tanınan alovlandırıcı qarışıq icad edib”, – deyə İlham Əliyev bildirib.

“Molotov kokteyli” alovlanan qarışığı olan şüşəyə deyilir. Bu termin ən çox yayılmış versiyaya görə, SSRİ-Finlandiya müharibəsi (1939-1940) dövründə ortaya çıxıb. Əvvəlcə finlərin sovet tanklarına atdığı bu cür mərmilərə “Molotov üçün kokteyl” deyilirdi (SSRİ Xarici İşlər Komissarı). Lakin zaman keçdikcə sözönü itdi və “kokteyllər” nasist ordusuna qarşı mübarizədə istifadə olunmağa başladı.

Gununsesi.org