Azərbaycan prezidenti İlham Əliyev İran dövlət başçısı Həsən Ruhaniyə Tehranda törədilmiş terror aktları nəticəsində ölənlərlə bağlı başsağlığı məktubu göndərib.
Gununsesi.info xəbər verir ki, məktubda deyilir:
“Hörmətli cənab Prezident.
Tehranda törədilmiş terror aktları nəticəsində insan tələfatı və yaralananlar barədə xəbər bizi olduqca kədərləndirdi və hiddətləndirdi.
Bu qanlı hadisə terrorizmin bütün dünya üçün dəhşətli bir bəlaya çevrildiyini, onun bütün təzahürlərinə qarşı birgə səylərlə və ardıcıl mübarizə aparılmasının vacibliyini bir daha təsdiq edir.
Baş vermiş faciə ilə əlaqədar Sizə, həlak olanların ailələrinə və yaxınlarına, dost və qardaş İran xalqına öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm.
Allah rəhmət eləsin!”
Gununsesi.info
