UEFA Avropa Liqası turnirinin ilkin təsnifat mərhələsində çıxış edən hər iki Azərbaycan təmsilçisi – “İnter” və “Zirə” ikinci təsnifat mərhələsinə vəsiqə qazanıb.
Gununsesi.info Azərbaycan Futbol Federasiyaları Assosiasiyasının saytına istinadən xəbər verir ki, “Dalğa Arena”da Serbiyanın “Mladost” klubu ilə qarşılaşan “İnter” qələbə qazanıb – 2:0. “Zirə” isə səfər oyununda Lüksemburqun “Differdanj” komandasının vurduğu 1 qola 2 qolla cavab verib.
Bu cütlüklərin ilk oyununda “İnter” səfərdə 3, “Zirə” isə 2 cavabsız qolla qalib gəlib.
Qeyd edək ki, UEFA Avropa Liqası turnirinin ikinci təsnifat mərhələsində “İnter” Lüksemburqun “Fola”, “Zirə” isə Rumıniyanın “Astra” komandası ilə qarşılaşacaq.
Anar
Gununsesi.info
