İnterpol tərəfindən axtarışda olan xorvatiyalı narkobaron Nenad Petrak İstanbulda saxlanılıb.
Gununsesi.info bildirir ki, bu barədə Türkiyə Daxili İşlər Nazirliyinin rəhbəri Ali Yerlikaya X sosial şəbəkəsində məlumat verib.
“Bütün Avropanı əhatə edən “Adriatik əməliyyatı” nəticəsində mütəşəkkil cinayətkar qruplaşmanın lideri, Xorvatiya narkotik kartelinin rəhbəri Nenad Petrak İstanbulun Üsküdar rayonunda saxlanılıb. O, qətlə görə İnterpol tərəfindən “qırmızı” bülletenlə axtarışa verilmişdi və Cənubi Amerikadan Avropaya narkotik daşıyan kartelin lideri kimi tanınırdı”, – türkiyəli nazir bildirib.
Nenad Petrakın narkotik karteli 9 ölkədə fəaliyyət göstərirdi.
Gununsesi.info
