Bəzi Avropa ölkələri İsrailin bölgədəki təcavüzünü pisləməyərək, Birləşmiş Millətlər Təşkilatının Təhlükəsizlik Şurasının Təl-Əvivə qarşı təsirli və çəkindirici qərarlar qəbul etməsinə mane olmaqla faktiki olaraq bütün diplomatik kanalları bağlayıb.
Gununsesi.info xəbər verir ki, bunu İran xarici işlər nazirinin müavini Əli Baqiri bəyan edib.
Nazirliyin açıqlamasına əsasən Baqiri Avstriyanın xarici işlər naziri Aleksandr Şallenberq ilə telefonla danışıb.
Görüşdə Bakıri İsrailin bölgədəki hücumlarını, İsmayıl Haniyənin Tehranda öldürülməsinin səbəbkarını açıqlayıb və bu sui-qəsdi “İranın milli suverenliyinə hücum” kimi qiymətləndirdiklərini bildirib.
Bəzi Avropa ölkələrinin İsrailin beynəlxalq hüquqa zidd terror aktlarına səssiz qaldığına diqqət çəkən Bakıri, “Bu vəziyyət Təl-Əvivdəki cinayətkar dəstənin təkəbbürünün güclənməsinə, bölgədə gərginlik və etibarsızlığın yayılmasına səbəb olduğunu” deyib.
Avstriyanın xarici işlər naziri Şallenberq bölgədəki gərginliklə bağlı narahatlığını dilə gətirib.
Şallenberq bəyan edib ki, bütün tərəflər təmkinli olmalı və gərginliyi azaltmaq üçün bütün diplomatik imkanlardan istifadə etməlidirlər.
İlhamə
Gununsesi.info
