“İran Ermənistan siyasətinə göz gəzdirməlidir…” - POLİTOLOQ

  • By admin
  • 22 Noyabr 2016 17:51
Elxan Shahinoglu
Tehran Azərbaycanla səmimi münasibətlər qurmaq istəyirsə, o zaman Ermənistan siyasətinə göz gəzdirməlidir.
Gununsesi.info xəbər verir ki, bu fikri “Atlas” Araşdırmalar Mərkəzinin rəhbəri Elxan Şahinoğlu  İran prezidenti Həsən Ruhaninin İrəvana gözlənilən səfərini şərh edərkən deyib.
Onun sözlərinə görə, bu həftə İran prezidenti Həsən Ruhaninin Ermənistana səfəri planlaşdırılır. “Ermənistan saytlarını izlədikdə bu nəticəyə gəlirəm ki, İrəvan əlindən gələn hər şeyi edəcək ki, səfər uğurlu keçsin, müxtəlif sazişlər imzalansın. İran prezidenti iki dəfə Azərbaycana rəsmi səfər edib, Ermənistanda isə hələ bir dəfə də olmayıb. Tehranda anlayırlar ki, Həsən Ruhaninin Ermənistana səfəri Azərbaycanda haqlı narazılıq doğuracaq”- deyə, politoloq vurğulayıb.
Politoloq bildirib ki, məni dəfələrlə iranlı diplomatlara  görüşdə əgər  Tehran Azərbaycanla səmimi münasibətlər qurmaq istəyirsə Ermənistan siyasətinə göz gəzdirməlidir demişəm: “Onların ənənəvi cavabı var: “Siz də İsraillə sıx əməkdaşlıq edirsiniz”. Bu fikri ortaya qoyduğum arqumentlərlə heç zaman qəbul etmədim.
Yaxşı, Azərbaycan İsraillə əməkdaşlıqdan imtina etsə, İran da Ermənistanla əməkdaşlıqdan imtina edəcəkmi – sualına isə konkret cavab vermirlər. Deyirlər ki, İran bütün qonşularla, o cümlədən Ermənistanla normal münasibətlərə malik olmaq istəyir. Demək, İsrail bəhanədir. Ancaq iranlı diplomatlar hər dəfəsində bunu da deyirlər: “Azərbaycanın yeri bizim üçün başqadır, Terhan Azərbaycan və Ermənistanla müqayisədə Sizə üstünlük verir”. Bunun belə olub-olmadığına inanmamız üçün İran prezidentinin Azərbaycanın ərazi bütövlüyü haqqında Bakıda dediyi fikirləri İrəvanda təkrarlaması lazımdır”.
Gununsesi.info