Həyata keçirilən əməliyyat-axtarış tədbirləri nəticəsində 2 silahlı terror dəstəsi zərərsizləşdirilib.
Gununsesi.info AZƏRTAC-a istinadən xəbər verir ki, bu barədə açıqlamanı İran İslam İnqilabının Mühafizəçiləri Korpusunun nümayəndəsi general Məhəmməd Rza Yəzdi verib.
Generalın sözlərinə görə, xüsusi təlim keçərək İrana göndərilən terrorçular İran İslam Respublikasının qurucusu İmam Xomeyninin doğum günü tədbirlərində terror aksiyası törətməyi planlaşdırıblar. Hər il iyunun 4-də İranda İmam Xomeyninin doğum günü kütləvi tədbirlərlə qeyd olunur. Bundan istifadə etməyə çalışan terrorçular çadralı qadın paltarında imamın məqbərəsinə daxil olub partlayış törədəcəkdilər.
General bəyan edib ki, İran İslam İnqilabının Mühafizəçiləri Korpusu xalqın və ictimai-siyasi sabitliyin keşiyində məğrur dayanıb. İrana qarşı təxribatlara can atmaq əbəs işdir.
