İsrailin Fələstindəki hücumları oktyabrın 7-dən bu yana aramsız olaraq davam edərkən, İrandan ABŞ-la diqqət çəkən yeni bir açıqlama verilib.
Gununsesi.info xəbər verir ki, İran ABŞ-ın onlara İsrail və Fələstin arasında atəşkəs istədikləri mesajı verdiyini açıqlayıb. İranın xarici işlər naziri Hüseyn Əmir Abdullahiyan bu barədə juranlistlərə açıqlmasında bildirib.
“Üç gün əvvəl ABŞ başqa bir ölkə vasitəsilə atəşkəs istədiyi mesajını verdi. Lakin əməldə Qəzzada soyqırım və müharibə cinayətlərini dəstəkləyirlər”, – deyə XİN rəhbəri açıqlayıb.
ABŞ dövlət katibi Blinkenin İraqa səfərini dəyərləndirən Abdullahiyan, Blinkenin paytaxt Bağdadda polad jiletlə görünməsini tənqid edib. “Bu, ABŞ-ın bölgədəki əsl rolunu göstərir. Ümid edirik ki, ABŞ tezliklə regiondakı siyasətindən əl çəkəcək və işğalçı rejimə dəstəyi dayandıracaq”, – deyə o bildirib.
Gununsesi.info
