“İranla Azərbaycan arasında münasibətlər düzgün istiqamətdə gedir, biz Tehran və Bakı arasında bütün aspektlərdə balanslaşdırılmış qarşılıqlı fəaliyyətə çalışırıq”.
Gununsesi.info xəbər verir ki, bunu İranın xarici işlər naziri Hüseyn Əmir Abdullahiyan Azərbaycandan olan həmkarı Ceyhun Bayramovla görüşündə deyib.
İranın İRNA xəbər agentliyinin verdiyi məlumata görə, Abdullahyanla Bayramovun görüşü Moskvada Xəzəryanı ölkələrin xarici işlər nazirlərinin toplantısında baş tutub.
İranın xarici işlər naziri xatırladıb ki, iki ölkə liderlərinin son görüşündə bütün sahələrdə əlaqələrin yaxşılaşdırılması istiqamətində addımlar atılıb.
Abdullahiyan qeyd edib ki, iki ölkə liderləri iqtisadi sahədə əlaqələrin hərtərəfli inkişafı, dəhlizlərin açılması, ticarət əməkdaşlığı və yarımçıq layihələrin həyata keçirilməsi ilə bağlı yaxşı razılığa gəliblər.
Gununsesi.info
