İraqın neft naziri Hayyan Əbdül Qaninin sözlərinə görə, İraq neft tankerlərinin Hörmüz boğazından keçməsi üçün icazə almaq məqsədilə İran hakimiyyəti ilə əlaqə saxlayır.
Gununsesi.info xəbər verir ki, bu barədə İraqın dövlət xəbər agentliyi INA bildirib.
İranın xarici işlər naziri Abbas Əraqçi ötən gün bildirib ki, İran hakimiyyəti bir sıra ölkələrlə gəmilərinin Hörmüz boğazından təhlükəsiz keçməsi məsələsini müzakirə edir.
Qeyd edək ki, fevralın 28-də ABŞ İsraillə birlikdə İrana qarşı hərbi əməliyyata başladı. Buna cavab olaraq Tehran İsrailə, eləcə də Səudiyyə Ərəbistanı, Bəhreyn, Qətər, Küveyt və BƏƏ daxil olmaqla Yaxın Şərqdəki Amerika bazalarına raket və pilotsuz təyyarələrlə hücumlar etdi. Bundan əlavə, İranın dəniz yolu ilə neft daşınmalarının təxminən 30%-ni təşkil edən Hörmüz boğazını bağlaması və Fars körfəzi ölkələrində neft infrastrukturuna hücumlar barədə məlumatlar yayıldı. Bu, neft qiymətlərinin dörd ilin ən yüksək səviyyəsinə qalxmasına səbəb oldu.
