Bakı Apellyasiya Məhkəməsində Suriyada döyüşməkdə təqsirləndirilən Rufan Ağcabəyov və Vladimir Marfinin apellaysiya şikayətləri üzrə məhkəmə prosesi başa çatıb.
Gununsesi.info-nun APA-ya istinadən məlumatına görə, məhkəmə şikayətləri təmin etməyib.
Qeyd edək ki, Bakı Ağır Cinayətlər Məhkəməsinin hökmü ilə R. Ağcabəyov 13 il, V.Marfin 14 il 6 ay müddətinə azadlıqdan məhrum ediliblər.
Rufan Ağcabəyov və Vladimir Marfin ləğv edilmiş Milli Təhlükəsizlik Nazirliyitərəfindən keçirilmiş antiterror tədbirləri nəticəsində həbs ediliblər.
Onlar 2013-2015-ci illər ərzində müxtəlif vaxtlarda Suriya və İraq ərazisində həmin dövlətlərin, habelə Azərbaycan Respublikasının qanunvericiliyi ilə nəzərdə tutulmayan ayrı-ayrı silahlı birləşmələrin, o cümlədən “İslam Dövləti (İŞİD)”, “Cəbhətül-Nusra” və “Cundu Şam” terrorçu təşkilatlarının fəaliyyətində iştirak etdikləri bildirilib.
Xaçmaz rayonunda anadan olan Rufan Ağcabəyovun qardaşı Urfan Ağcabəyov Suriyada öldürülüb. Azərbaycan hüquq-mühafizə orqanları onun barəsində bir neçə il əvvəl beynəlxalq axtarış elan edib və İnterpol üzrə axtarışa verilib. Hər iki qardaş Qarabağ müharibəsi iştirakçısı olub.
Onlar Cinayət Məcəlləsinin 12.1, 279.1-ci və 283-1.3-cü maddələri ilə ittiham olunub.
