İsrail ordusu blokada altındakı Qəzza zolağının ətrafındakı yəhudi yaşayış məntəqələrinə nəzarəti təmin edib.
Gununsesi.info xəbər verir ki, bu barədə İsrail ordusunun sözçüsü Daniel Haqari məlumat verib.
Onun sözlərinə görə, hazırda bu ərazidə toqquşmalar gedir. Eyni zamanda, o qeyd edib ki, burada hələ də silahlı fələstinlilər ola bilər.
O əlavə edib ki, ordu mümkün sızma cəhdlərinə qarşı Qəzza sərhədində tanklar, helikopterlər və təyyarələr yerləşdirəcək.
Haqari Qəzza zolağı ətrafındakı 24 qəsəbədən 15-nin əhalisinin təhlükəsiz yerə köçürüldüyünü və təxliyyələrin gün ərzində davam edəcəyini bildirib. Onun sözlərinə görə, regionun ən böyük şəhəri Sderot evakuasiya olunmayacaq.
İsrail ordusunun sözçüsü bildirib ki, oktyabrın 7-dən bu yana Qəzza zolağından İsrailə 4400 raket atılıb. O əlavə edib ki, İsrail ordusu Qəzza zolağı ilə eskalasiyanın gərginləşməsindən sonra 48 saat ərzində 300 min ehtiyat əsgəri səfərbər edə bilib.
Səid Əhmədli
Gununsesi.info
