İsrail Müdafiə Qüvvələri (IDF) oktyabrın 7-də İsrailə hücum zamanı HƏMAS tərəfindən əsir götürülən 4 girovun öldüyünü təsdiqləyib.
Gununsesi.info xəbər verir ki, bu barədə Qətərin “Əl-Cəzirə” telekanalı İsrail ordusunun sözçüsü Daniel Haqariyə istinadən məlumat yayıb.
Onun sözlərinə görə, Qəzza zolağında dörd girov ölüb: Eliyahu Marqalit, Mia Goren, Ronen Engel və Arie Zalmanoviç. Haqari bildirib ki, ölən Həmas məhbuslarının ailələrinə artıq məlumat verilib. Lakin İsrail ordusunun nümayəndəsi girovların necə və nə vaxt öldüyünü açıqlamayıb.
Haqari daha əvvəl demişdi ki, fələstinli radikallar “evlərindən amansızcasına oğurlanan” 17 qadın və uşaq da daxil olmaqla 136 nəfəri girov saxlamağa davam edir. Onun sözlərinə görə, İDF “girovları istənilən yolla geri qaytarmaq üçün hər şeyi etməyə davam edəcək”.
Gununsesi.info
