İsrail ordusu blokada altında olan Qəzza zolağında xəstələr, yaralılar, köçkünlər və tibb işçilərinin yerləşdiyi “Şifa” xəstəxanasının boşaldılmasını tələb edib.
Gununsesi.info xəbər verir ki, bu barədə “Anadolu”ya Qəzza zolağının səhiyyə sektorundakı mənbələr məlumat verib.
Mənbələrin məlumatına görə, İsrail ordusu xəstəxana rəhbərliyindən tibb kompleksini boşaltmağı tələb edib.
Bu arada, “Şifa” xəstəxanasının İsrail ordusunun mühasirəsində davam etdiyi və onun ərazisində tikinti texnikasının işlədiyi bildirilir.
Bundan əvvəl, noyabrın 15-də İsrail ordusu minlərlə xəstənin və məcburi köçkün mülki vətəndaşın müalicə aldığı bölgənin ən böyük tibb müəssisəsi olan “Şifa” xəstəxanasına basqın edib.
Gununsesi.info
