İsrail ordusu Qəzza şəhərində köçkünlərin sığındığı məktəbə qan donduran hücum həyata keçirib. Hücum nəticəsində ən azı 100 fələstinli ölüb, onlarla insan yaralanıb. Həlak olanlar arasında – qadın, uşaq və qocaların olduğu qeyd edilib.
Gununsesi.info xarici mətbuata istinadən xəbər verir ki, Fələstin Mülki Müdafiə sözçüsü Mahmoud Bassal qəsəbədə təxminən 6 min adamın sığındığını, öldürülənlər arasında 11 uşaq və 6 qadının olduğunu bildirib.
Fələstinin WAFA xəbər agentliyi hücumun hədəfinin Ət-Tabiin məktəbi olduğunu bildirib. Hücum Qəzzanın şərqindəki Ed-Deraj bölgəsində səhər namazı vaxtı baş verib. Yerli mətbuat məktəbdə yanğının baş verdiyini və xilasetmə qruplarının yanğını söndürmək üçün iş apardığını bildirib. Yerli medianın şahidlərə əsaslanaraq verdiyi daha bir məlumata görə, məktəbin ibadət zalında təxminən 250 nəfər olub.
Əl-Cəzirə telekanalının Qəzza sakinlərinin danışdıqlarına əsasən, köçkünlərin sığınacaq kimi istifadə etdiyi məktəbə 3 raket atılıb- deyə bildiriblər.
Yerli mənbələr parçalanan cəsədlərin çıxan yanğın səbəbindən yandığını qeyd edib. Mülki müdafiə qruplarının ətrafa səpələnmiş bədən hissələrini toplamaqda çətinlik çəkdiyi də bildirilib.
İsrail ordusu verdiyi açıqlamalarında, məktəbin 20-yə yaxın HAMAS və İslami Cihad üzvü tərəfindən qərargah kimi istifadə edildiyini iddia ediblər, həmçinin Hava qüvvələrinin döyüşçüləri hədəf aldıqlarını bildiriblər.
Günel
Gununsesi.info
