Dünya yeni ili qeyd edərkən, Yaxın Şərq 2024-cü ilə müharibə ilə girib. İsrail ordusu Qəzzanı xarabalığa çevirən hücumları artıracağı mesajını verib.
Gununsesi.info xəbər verir ki, İsrail ordusu Qəzzada müharibənin 2024-cü ilə qədər davam edəcəyini açıqlayıb.
İsrail ordusunun sözçüsü Daniel Haqari yeni il mesajında qoşunların “uzun müharibəyə görə” yenidən təşkil edildiyini ifadə edib.
İsrailin 11 həftədir davam edən hücumları nəticəsində Qəzzada əksəriyyəti qadın və uşaq olmaqla ən azı 21 min 800 nəfər həyatını itirib.
İsrailin hücumları 2023-cü ilin son saatlarına qədər davam edib. Qəzza Səhiyyə Nazirliyi dünən gecə baş verən bombardmanlarda ən azı 48 fələstinlinin öldüyünü bildirib.
BMT bildirib ki, Qəzzanın 2,4 milyonluq əhalisinin 85 faizi evlərini tərk edib.
Gununsesi.info
