İsrailin döyüş təyyarələri Qəzza şəhərinin qərbindəki ərazilərə intensiv hava zərbələri endirib.
Gununsesi.info xarici mediaya istinadla xəbər verir ki, döyüş təyyarələri Qəzza şəhərinin qərbindəki əl-Rimal və Tel əl-Hava məhəllələrini havadan intensiv bombalayıb.
Hücumlar nəticəsində bölgədə böyük tüstü buludu əmələ gəlib.
Dünən səhər saatlarında Qəzza şəhərinə havadan atılan vərəqələrdə İsrail ordusu şəhərin təhlükəli münaqişə zonası olacağı barədə xəbərdarlıq edərək, bölgədəki fələstinlilərdən Qəzza zolağının mərkəzi hissəsində yerləşən Deyr əl Belaya köç etmələrini istəyib.
İsrailin Qəzza zolağına hücumlarının başladığı ötən ilin 7 oktyabr tarixindən bəri Qəzzada təxminən 1,9 milyon fələstinli məcburi köçkün vəziyyətinə düşüb.
Milyonlarla fələstinli İsrail ordusunun hücumları səbəbindən dəfələrlə köç etmək məcburiyyətində qalıb.
Ceyhun
Gununsesi.info
