Misir rəsmiləri İsrail və HƏMAS arasında müvəqqəti atəşkəsin 8-ci gündə də davam edəcəyini açıqlayıb.
Gununsesi.info xəbər verir ki, İsrail və HƏMAS arasında girov mübadiləsinin yeddinci günündə HƏMAS daha 8 girovu azad edib. Çərşənbə günü sərbəst buraxılan 2 Rusiya vətəndaşı ilə dünən Qırmızı Xaça təhvil verilən girovların sayı razılaşmaya uyğun olaraq 10-a çatdırılıb. İsrail həmçinin 30 fələstinlini həbsdən azad etdiyini açıqlayıb.
İsrail və HƏMAS arasında toqquşmalarda 4 günlük “humanitar atəşkəs” ilə bağlı razılaşma noyabrın 24-də yerli vaxtla saat 07:00-da qüvvəyə minib.
İsrail və HƏMAS arasında əldə olunan məhbus mübadiləsi razılaşması çərçivəsində indiyədək Qəzza zolağından 81 israilli və İsrail həbsxanalarından 240 fələstinli məhbus azad edilib.
HƏMAS tərəflər arasında aparılan danışıqlarda İsrail ordusunun bombardmanı nəticəsində öldürülən 7 qadın və uşaq əsir və 3 israilli əsirin cəsədlərinin təhvil verilməsi müqabilində “humanitar fasilənin” daha bir gün uzadılması təklifini açıqlayıb. Bu təklif İsrail tərəfindən rədd edilib.
Gununsesi.info
