İsraildə aparılan sorğuya görə, ictimaiyyət Mossad-ın keçmiş rəhbəri Yossi Koeni hökuməti formalaşdıran koalisiyanın lideri Likud Partiyasının liderliyində baş nazir Benyamin Netanyahunun varisi kimi görür.
Gununsesi.info xəbər verir ki, İsraildə nəşr olunan “Maariv” qəzeti Lazar Araşdırma İnstitutunun 500 israilli yəhudi və ərəb arasında keçirdiyi sorğunun nəticələrini dərc edib. Sorğunun nəticələrinə görə, iştirakçıların 21 faizi hakim koalisiyanın lideri Likud Partiyasının lideri kimi Netanyahudan sonra keçmiş Mossad rəhbəri Koenə üstünlük verir.
Rəyi soruşulanların 13 faizi keçmiş ədliyyə naziri Gideon Saar, 12 faizi müdafiə naziri Yoav Qallant, 11 faizi isə iqtisadiyyat naziri Nir Barkatı Likud rəhbərliyinə layiq görüb. Bundan başqa, sorğuda iştirak edənlərin 23 faizi qeyd olunan adların heç birinə üstünlük verməyib, 20 faizi isə fikir bildirməyib.
Likud seçiciləri üzərində aparılan sorğunun nəticələrinə görə, Kohen və Barkat 26, Qallant 17, Saar isə 5 faiz səslə partiya liderliyinə uyğun görülüb. Respondentlərin 15 faizi qeyd olunan adların heç birinə üstünlük verməsə də, 11 faizi bitərəf qalıb.
Belə ki, İsraildə ilk dəfə olaraq Netanyahunun Likud rəhbərliyinə mümkün davamçıları ilə bağlı sorğu keçirilib.
Eyni qəzetin dərc etdiyi başqa sorğuya görə, israillilərin yalnız 29 faizi Netanyahunun hökumətə rəhbərlik etməyə uyğun olduğunu düşünür.
Digər tərəfdən, 50 faiz İsrailin keçmiş müdafiə naziri və “Fövqəladə Hökümət”in üzvü Benni Qantsı ölkədəki “müharibə kabineti”ni bu vəzifəyə uyğun hesab edir.
21 faiz isə məsələyə münasibət bildirməyib.
Sorğuların nəticələri göstərir ki, İsrail ictimaiyyəti arasında Likuda dəstək azalıb, Qantsın rəhbərlik etdiyi müxalif Milli Birlik Blokuna dəstək isə artıb.
Sözügedən sorğuya görə, bu gün İsraildə seçkilər keçirilsəydi, Milli Birlik Bloku 42, hazırda İsrail parlamentində 120 mandatı olan Likud isə 17 mandat qazanacaqdı.
Gununsesi.info
