Latviya və İsveçin xarici işlər nazirləri Avropa İttifaqı (Aİ) ilə Türkiyə arasında ümumi maraq doğuran sahələrdə daha sıx siyasi dialoq və əməkdaşlığa çağırıblar.
Gununsesi.info bildirir ki, Latviyanın xarici işlər naziri Krisjanis Karins və İsveçin xarici işlər naziri Tobias Billström Avropa İttifaqının Genişlənməsi və İslahatları üzrə Xarici İşlər Nazirləri Konfransında iştirak etmək üçün gəldikləri Berlində “Anadolu” agentliyinin müxbirinə açıqlama veriblər.
Ölkəsinin Türkiyə ilə daha sıx əlaqələri dəstəklədiyini ifadə edən Karins deyib ki, “Türkiyə onsuz da çox dəyərli bir NATO müttəfiqidir və Türkiyə ilə əməkdaşlıq çox vacibdir”.
Karnis Türkiyənin Avropa Birliyinə üzvlüyünə doğru irəliləməsinin hər iki tərəfin maraqlarına uyğun olduğunu vurğulayıb: “Məncə, bu həm Türkiyə, həm də Avropa Birliyi üçün çox xeyirli olacaq”.
Nazir Aİ-nin qeyri-rəsmi toplantılarında türkiyəli həmkarı Hakan Fidan ilə daha tez-tez görüşməyin müsbət hal olacağına diqqət çəkib. ”
İsveç xarici işlər naziri Billström ölkəsinin Aİ ilə Türkiyə arasında daha sıx siyasi dialoq və əməkdaşlığı dəstəklədiyini bildirib.
“Vilnüsdə İsveç, Türkiyə və NATO ilə Türkiyə adına müsbət hərəkət edəcəyimizi və bu istiqamətdə hərəkət edəcəyimizi bildirən bir bəyannamə imzalandı”, – deyə o qeyd edib.
Aİ və Türkiyənin bir sıra mühüm sahələrdə artıq sıx əməkdaşlıq etdiyini və hər iki tərəfin xeyrinə siyasi və iqtisadi əlaqələri daha da inkişaf etdirmək istədiklərini bildirən Billström xüsusilə təhlükəsizlik, miqrasiya və ticarət məsələlərində bu əlaqələrin çoxlu nümunələrinin olduğunu deyib.
Billström Aİ-Türkiyə gömrük ittifaqının modernləşdirilməsinə və Türkiyə vətəndaşları üçün vizasız səyahət gözləntilərinə diqqət çəkib: “Vilnüsdə imzalanmış bəyannamədə də qeyd olunan və həqiqətən vurğulamaq istədiyim iki məsələ, əlbəttə ki, həm viza liberallaşdırılması, həm də gömrük məsələləridir və İsveç bu məsələlərdə Aİ və Türkiyə arasında əldə olunan irəliləyişə müsbət yanaşır”.
Türkiyənin Aİ-yə üzvlük danışıqları prosesini xatırladan Billström İsveçin bu prosesi dəstəklədiyini qeyd edib.
Gununsesi.info
