İsveçin Baş naziri Ulf Kristersson Stokholmda Türkiyə səfirliyi yaxınlığında Quranın yandırılmasını hörmətsizlik adlandırıb.
Gununsesi.info xəbər verir ki, Baş nazir bu hörmətsizlikdən narahatlıq keçirən müsəlmanlardan üzr istəyib.
O qeyd edib ki, söz azadlığı demokratiyanın fundamental tərkib hissəsidir, lakin qanuna zidd olmayan şey mütləq uyğun deyil.
“Müqəddəs qəbul edilən kitabların yandırılması böyük sayğısızlıqdır”, – U.Kristerson deyib.
Xatırladaq ki, yanvarın 21-də İsveç dövlət qurumları Türkiyənin Stokholmdakı səfirliyi yaxınlığında etiraz aksiyası keçirilməsinə icazə verib. Aksiya zamanı Quran kitabı yandırılıb.
Gununsesi.info
