Qarda meşəni gəzməyə gedən beşinci sinif şagirdləri Vanya və Jenya yolu azaraq itkin düşüblər.
Gununsesi.info lenta-ya istinadən xəbər verir ki, valideynlər uşaqlarının evə dönmədiyini görüb polisə xəbər veriиlər.
Məktəblilərin axtarışı istiqamətində genişmiqyaslı tədbirlərə başlanılıb. Hadisə Rusiyanın Sverdlovsk vilayətinin Kuşov şəhərində baş verib.
Uşaqlar bir sutkadan sonra meşədən tapılıb. Məktəblilərin meşədə sağ qalmasına və donmamasına səbəb isə onların yanında itlərinin olması olub. Belə ki, məktəblilər itin sayəsində gecəni şaxtadan sağ çıxmağı bacarıblar. Onlar şəhərdən 30 km aralıda meşədən tapılıblar.
Məktəblilər deyib ki, it meşədə dələnin arxasınca düşüb və nəticədə yolu azıblar. Gecə şaxta olsa da kibrit olmadığından ocaq yandıra bilməyiblər. Ona görə də uşaqlar növbə ilə itə sarılıb, qızınaraq gecəni keçiriblər. Belə ki, onların sağ qalmasına səbəb it olub.
Uşaqlar sağ qalsalar da ayaq və əllərində donvurma olub və onların vəziyyəti orta ağır qiymətləndirilir. Onlar xəstəxanaya yerləşdirilib.
Gununsesi.info
