İngilis avtomobil firması “Jaguar Land Rover” Çindən 6 min 438 avtomobili təhlükəsizlik yastıqlarında olan nasazlıqla bağlı geri çağırıb.
Gununsesi.info Türkiyə mətbuatına istinadən xəbər verir ki, Çinin Keyfiyyətə Nəzarət, Təftiş və Karantin Baş Administrasiyasının məlumatına görə, fevralın 24-dən başlayacaq proses çərçivəsində 2016-ci ilin iyulundan 2017-ci ilin yanvarınadək olan dövrdə istehsal olunan “Range Rover”, “Jaguar XE” və “Jaguar F-TYPE” modelləri geri çağırılacaq.
Xatırladaq ki, bir müddət əvvəl “Volkswagen” Çindəki 49 min avtomobilini, sürət nəzarət sistemi və əyləc avadanlığında qüsur olması səbəbiylə geri çağırıb.
Anar
Gununsesi.info
