Xırdalan şəhəri Məmməd Əmin Rəsulzadə küçəsi 1260-cı məhəllədə yeni tikilən 12 mərtəbəli binaların sakinləri piket keçirir.
Aksiya keçirən sakinlərdən Akif Kərimovun Gununsesi.info-ya verdiyi məlumata görə, buna səbəbə noyabrın 28-dən etibarən “Azərişıq”ın əməkdaşlarının 230 ailənin yaşadığı 2 binanın elektrik enerjisindən məhrum etməsidir:
“Yaşadığımız çoxmərtəbəli binaları inşa edən “Kənan-Turan” MTK-nın “Azərişıq”a 8 min manat , “Azərsu”ya isə 12 min manat borcu var. Şirkət həmin borcu tikinti apardığı zaman yaradıb. İki gündür qışın bu çağında nə işıq, nə qaz, nə də su var. Millət tökülüb aşağı. Özü də tikinti şirkətinin yeyintisindən dolayı. Şirkət rəhbərliyi isə qaçıb. Ortaya çıxan yoxdur ki, problem həll edilsin”-, deyə o bildirib.
Gülnaz Qənbərli
Gununsesi.info
