Ötən həftə naməlum avtomobil tərəfindən vurulan piyadanın kimliyi bəlli olub.
Gununsesi.info-nun əldə etdiyi məlumata görə, avtomobillə vurularaq xəstəxanaya yerləşdirilən həmin şəxs Bakı şəhər sakini Feliks Bayramov Kənd Təsərrüfatı Nazirliyi Təchizat Bazasının direktoru vəzifəsində çalışır.
Qeyd edək ki, hadisə sentyabrın 29-da saat 20 radələrində baş verib. Belə ki, Binəqədi rayonu ərazisində naməlum avtomobil yolu keçən F.Bayramovu vurub və qaşıb.
Xatırladaq ki, Binəqədi Rayon Polis İdarəsinin (RPİ) 7-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən “KİA” markalı avtomobilin sürücüsü – paytaxt sakini Emin Günəşli tutulub.
Faktla bağlı Binəqədi RPİ-də Cinayət Məcəlləsinin 263-cü (Yol hərəkəti və nəqliyyat vasitələrinin istismarı qaydalarını pozma) və 264-cü (Yol nəqliyyat hadisəsi yerindən qaçma) maddələri üzrə cinayət işi başlanıb, araşdırma aparılır.
Gülnaz Qənbərli
Gununsesi.info
