“KamAZ”da ağır vəziyyətdə qalan şəxs belə xilas edildi -VİDEO

Sentyabrın 29-da səhər saatlarında FHN-in “112” qaynar telefon xəttinə Bakı şəhərinin Qaradağ rayonu, Səngəçal qəsəbəsi ərazisində yol-nəqliyyat qəzasının baş verməsi və xilasedici köməyinə ehtiyac yaranması barədə məlumat daxil olub.

Gununsesi.info  xəbər verir ki, məlumat əsasında FHN-in Xüsusi Riskli Xilasetmə Xidmətinin Qaradağ rayonu üzrə xilasedicilər qrupu dərhal hadisə yerinə cəlb edilib.

HTML tutorial

Hadisə yerində əməliyyat şəraiti qiymətləndirilərkən müəyyən edilib ki, “KamAZ” və “MAN” markalı yük avtomobillərinin toqquşması ilə baş verən yol-qəza hadisəsi nəticəsində “KamAZ” markalı yük avtomobilinin sərnişini 1975-ci il təvəllüdlü Kadirov Zaur Şəmsəddin oğlu avtomobildə sıxılı vəziyyətdə qalaraq köməyə ehtiyacı yaranıb.

Xilasedicilər xüsusi xilasetmə vasitələrindən istifadə etməklə Z.Kadirovu deformasiyaya uğramış avtomobildən çıxararaq təcili tibbi yardım briqadasına təhvil veriblər.

Hadisə ilə əlaqədar müvafiq qurumlar tərəfindən təhqiqat aparılır.


Gununsesi.info