ABŞ Müdafiə Nazirliyi Ədən körfəzində ticarət gəmisini qaçırmaq cəhdinin arxasında Yəmən husilərinin deyil, silahlı Somali quldurlarının olduğunu açıqlayıb.
Gununsesi.info xəbər verir ki, birinci və dördüncü kapitanları türk olan israilli Ofer ailəsinə məxsus “Central Park” adlı kimyəvi yüklü gəmi bir qrup hücumçu tərəfindən qaçırılıb.
ABŞ Hərbi Dəniz Qüvvələrinin döyüş gəmisi gəminin təcili yardım çağırışına cavab verib. ABŞ ordusu hücumçuları ələ keçirdiyini və ekipajının təhlükəsiz olduğunu bildirib.
Pentaqonun sözçüsü Patrik Ryder vəziyyəti dəyərləndirməyə davam etdiklərini deyib: “Vəziyyəti qiymətləndirməyə davam edirik, lakin ilkin əlamətlər hücum edənlərin Somalili olduğunu göstərir. Bu, açıq-aşkar bir dəniz quldurluğu hadisəsidir”.
Gununsesi.info
