Böyük Britaniya və Şimali İrlandiya Birləşmiş Krallığının Azərbaycandakı səfiri, xanım Karol Krofts tanışlıq məqsədilə Qəbələ rayonuna səfər edib.
Gununsesi.info-nun xəbərinə görə, səfər şərçivəsində səfiri icra başçısı Səbuhi Abdullayev müşaəyət edib. Qonağa rayonun tarixi, iqtisadi vəziyyəti, sosial və mədəni həyatı barədə ətraflı məlumat verilib.
Qəbələ ilə tanışlığından məmnunluq hissi keçirdiyini ifadə edən xanım K. Krofts Azərbaycanla Birləşmiş Krallıq arasında siyasi, iqtisadi, təhsil, elm və mədəniyyət sahələrində yüksək səviyyəli münasibətlər mövcud olduğunu da diqqətə çatdırıb.
Səfir rayonun tarixi-mədəni məkanları ilə yaxından tanış olub, sənaye müəssisələri və turizm obyektlərinə baxış keçirib. O, “Beltmann” piano fabriki, Heydər Əliyev Konqres Mərkəzi, Bum qəsəbəsində Stend və Ox Atıcılığı Kompleksi, Nic qəsəbəsində “Cotari” Udin-Alban Kilsəsi, eləcə də “Qafqaz Karvansaray” oteli ilə tanış olub.
Gülnaz Qənbərli
Gununsesi.info
