Trampın böyük bacısı Meryanna Tramp Barri səhər saatlarında öz mənzilində ölü tapılıb. Yataq otağında meyiti tapılan 86 yaşlı Barrinin ölüm səbəbi araşdırılır.
Gununsesi.info xəbər verir ki, ABC News-a danışan mənbələrə görə, Barrinin ölümü səhər saat 4-də aşkarlanıb.
Yataq otağında tapılan 86 yaşlı Barrinin ölüm səbəbini məhkəmə tibb müəyyən edəcək. Lakin ilkin əlamətlərə görə, Barrinin bədənində şübhə yaradacaq hər hansı travma izi yoxdur.
Trampın böyük bacısı Barri təqaüdə çıxmazdan əvvəl federal hakim vəzifəsində çalışıb. Onun təqaüdə çıxması onun və qardaşlarının adlarının çəkildiyi vergidən yayınma istintaqının ortasında baş verib. Barri təqaüdə çıxanda onun adına açılan istintaq bağlanıb.
Barri həyatı boyu Trampın ən yaxın sirdaşlarından biri və məsləhət aldığı azsaylı insanlardan biri olub, ancaq onun son ilində ortaya çıxan səs yazısı qalmaqalı iki qardaş arasında fikir ayrılığına səbəb olub.
Üç il əvvəl CNN Barri ilə qardaşı qızı Meri Trampın söhbətlərinə ev sahibliyi edirdi və bu söhbətlərdə Barrinin Trampı sərt tənqid etməsi ortaya çıxıb.
Trampın prezidentliyini tənqid etdiyi səs yazısında Barri qardaşını “dünyanın ən təhlükəli, qəddar və prinsipsiz adamı” adlandırıb.
Həmin vaxt CNN-ə danışan ailəyə yaxın mənbə bildirib ki, Tramp bu sözlərdən çox əziyyət çəkib.
Ona qarşı rüşvət və məxfi sənəd işlərinə görə məhkəmədən məhkəməyə qaçan Tramp bacısının ölümü ilə 4 qardaşından üçünü itirib.
Trampın kiçik qardaşı Robert Tramp 2020-ci ilin avqustunda 71 yaşında, Fred Trump Jr kimi vəfat etdi. O, 1981-ci ilin sentyabrında 42 yaşında ürək tutmasından vəfat edib.
