KİV: Çexiya hökumətində avroya keçidlə bağlı münaqişə yaranır

Çexiyada hər beş koalisiya partiyasından dördünün avroya keçidi dəstəkləməsi, hakim ODS partiyasının isə bunun əleyhinə olması səbəbindən ölkə hökumətində münaqişə yaranır.

Gununsesi.info xəbər verir ki,, bu barədə Polşanın “Hospodářské noviny” nəşri məlumat yayıb.

Nəşrin yazdığına görə, mübahisə predmeti Maliyyə Nazirliyinin Çexiyanın iqtisadi cəhətdən avrozonaya yaxınlaşma dərəcəsini və ölkənin vahid valyutaya hazırlığını qiymətləndirən Milli Banka hesabatıdır.

Nəşr hökumətin “avro zonasına daxil olmaq üçün hədəf tarix təyin etməməli” və “valyuta məzənnəsi mexanizminə qoşulmağa belə cəhd etməməli” olduğunu bildirən hesabatı açıqlayıb.

Jurnalistlərin fikrincə, koalisiya hökumətindən bir neçə nazir indi nazirliklərarası prosedurlarda bu şəkildə tərtib edilmiş hesabata etiraz edir. Onlar narahatdırlar ki, Maliyyə Nazirliyi bir şey deyir və başqa bir şey tövsiyə edir.

STAN partiyasını təmsil edən Daxili İşlər Nazirliyinin rəhbəri Vit Rakuşanın sözlərinə görə, təqdim olunan təhlillər göstərir ki, Çexiya iqtisadiyyatı avronu qəbul etməyə hazırdır və vahid valyutaya keçid riskləri kifayət qədər aşağıdır.

Nəşrin məlumatına görə, Maliyyə Nazirliyi etirazların əksəriyyətini rədd edib. Hesabat təsdiqlənməlidir və çox güman ki, dekabrda hökumətin səsverməsinə çıxarılacaq.

2022-ci ilin dekabrında hökumətin analoji hesabatında deyilirdi ki, Çexiya Avrozonaya daxil olmaq üçün kriteriyalara cavab verməyə hazır deyil və ölkə hökuməti hələlik avronun qəbulu üçün tarix təyin etməkdən çəkinməlidir.

O zaman baş nazir Petr Fiala jurnalistlərə açıqlamasında ölkənin hazırkı hökuməti dövründə avronu qəbul etməyəcəyini bildirərək, “Avroya keçməyə razılıq vermədiyini, çünki biz bunu hazırda real hesab etmirik” demişdi.

Yada salaq ki, oktyabrın 19-da Çexiyada parlamentin aşağı palatasının deputatları baş nazir Petr Fialanın rəhbərlik etdiyi hökumətə etimadsızlıq səsverməsi elan edə bilməyiblər.

Bu, Fiala hökuməti 2021-ci il seçkilərindən sonra hakimiyyətə gəldikdən sonra ona etimadsızlıq səsverməsi elan etmək üçün üçüncü cəhd idi. Çexiyada növbəti parlament seçkiləri 2025-ci ildə keçirilməlidir.

Gununsesi.info