“COVID-19 virusunun düşdüyü səthdə nə qədər yaşaması barədə dəqiq bir məlumat yoxdur”.
Gununsesi.info TƏBİB-ə istinadən xəbər verir ki, ilkin tədqiqatlar virusun səthdə bir neçə saat və bir neçə gün aralığında yaşaya bildiyini göstərir.
Bildirilib ki, virusun yaşama müddəti bir sıra amillərdən asılıdır:
“Burada səthin növü, havanın temperaturu və nəmişlik rol oynayır. Bununla belə, virusu düşdüyü səthdə məhv etmək mümkündür. Müxtəlif dezinfeksiyaedici vasitələrlə bu virusun yaşama müddətini azaltmaq olar”.
Rəsmi məlumata görə, bunun üçün sadəcə səthləri dezinfeksiya etmək yox, əlləri də tez-tez sabunla yumaq mütləqdir.
