Koronavirusun simptomsuz daşıyıcıları ilə bağlı maraqlı açıqlama

Koronavirusun asimptomatik daşıyıcılarının COVID-19-a qarşı immuniteti var və onlar başqalarını yoluxdura bilməzlər.

Gununsesi.org-un Lenta.ru-ya istinadla məlumatına görə, bunu İsveçrənin Bern Universitetinin İmmunologiya İnstitutunun keçmiş direktoru Beda Ştadler deyib.

O, ümumiyyətlə, koronavirusla mübarizədə səhvlərə yol verildiyini deyib və Sars-CoV-2 koronavirusunun tamamilə yeni virus olmadığını, digər koronaviruslara bənzədiyini vurğulayıb:

“Bu, soyuqdəyməyə səbəb olan, yayda mutasiya edən və yox olan mövsümi virus kimidir”.

İmmunoloq bu virusun əsas təhlükəsinin ona qarşı immunitetin olmaması ilə bağlı mütəxəssislərin açıqlamalarını da tənqid edib. Alim bunun yalnız fərziyyə sayıla biləcəyini deyib, çünki müvafiq araşdırmalar aparılmayıb.

Dediklərinə əsas kimi, o, yeni koronavirusun Çində əvvəllər SARS virusunun yayıldığı bölgələrdə daha az təsir etməsini göstərib.

Alim epidemioloqları koronavirusun mövsümiliyinə inanmadıqlarına görə də tənqid edib. Onun fikrincə, bu, səhv proqnozlara səbəb olub: “Bəziləri hələ də ikinci dalğanı proqnozlaşdıran modellərdən yapışırlar”.

Bundan əlavə, o, asimptomatik daşıyıcıların başqalarını yoluxdura bilmədiklərinə inandığını deyib.

 

 

Gununsesi.org-