Moskva Vaşinqtonun tələblərini qəbul edib, icra etməyə başlasa belə, ABŞ-ın Rusiyaya qarşı tətbiq etdiyi iqtisadi sanksiyaları ləğv etmək çox çətin olacaq.
Gununsesi.info rian.ru-ya istinadən xəbər verir ki, bunu Rusiyanın ABŞ-da səfiri olmuş və iyul ayında səlahiyyət müddətini başa vuraraq Moskvaya dönən Sergey Kislyak deyib.
Diplomatın sözlərinə görə, Moskva konstruktiv addım atsa belə, Amerika şəraitində bu sanksiyaları ləğv etmək çox çətin olacaq. “Hətta Moskva Ağ Evin tələblərini qəbul etsə belə, bu mümkün deyil və bu sadəlövhlük olardı. Çünki mexanizm elə hazırlanıb ki, ABŞ-ın bu qanunu Rusiya ilə iqtisadi əlaqələrin normal inkişaf etməsinə imkan vermir”-deyə, səfir vurğulayıb.
ABŞ-Rusiya münasibətlərinin mövcud durumuna toxunan səfir deyib ki, indi elə bir mürəkkəb münasibətlər yaranıb və bunu ancaq SSRİ zamanındakı “soyuq müharibə” ilə müqayisə etmək olar: “Düzdür, münasibətlər hələ o həddə çatmadığından bunu “soyuq müharibə” adlandırmaq olmaz”.
Hazırladı Mürtəza
Gununsesi.info
