Kriminal avtoritetlə fotosu yayılan Zöhrə Abdullayeva:"YAXŞI ELƏYİB ÇƏKDİRMİŞƏM, KİŞİLİK AVTORİTETLƏRDƏ OLUR"

Kriminal avtoritetlə fotosu yayılan Zöhrə Abdullayeva:

Əməkdar artist Zöhrə Abdullayevanın kriminal aləmdə Elnur Şuşalı kimi tanınan avtoritetlə fotosu yayılıb.

Gununsesi.info yenicag.az-a istinadən xəbər verir ki, Elnur Şuşalı “Lotu Quli”yə yaxınlığı ilə seçilən şəxslərdəndir.

Bununla bağlı açıqlama verən Zöhrə Abdullayeva xəbərdən şoka düşdüyünü bildirdi:

“Nə danışırsan? O Elnur avtoritetdir? Mən nə bilim o kimlərlə dostluq edir. Mən rəfiqəmin yanında onun oğlunun ad gününə getmişəm. O da şuşalıdır, mən də, rəfiqəm də. Mən yazıq hardan bilim o “Lotu Quli”nin yaxın dostudur. Mən buna inanmıram. O, taksiylə güclə gəzir, hardan avtoritet oldu? Belə də ki yaxşı eləyib çəkdirmişəm. Kişilik avtoritetlərdə olur. O, mənim şuşalı balamdır. Onun 37 yaşı var, oğlumdan da kiçikdir. Belə xəbər yaymaq ayıbdır. Elnurun avtoritet olduğunu sizdən eşidirəm. Elnur İsveçdə yaşayır. İsveçdə lotuluq eləmək olar?”

Gununsesi.info

COMMENTS