Hazırda Bakıda və Abşeron yarımadasında müşahidə olunan və arabir güclənən külək bu gün günortadan sonra zəifləyəcək.
Gununsesi.info xəbər verir ki, bu barədə Azərtac-a Ekologiya və Təbii Sərvətlər Nazirliyinin Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova məlumat verib.
O, bildirib ki, günortadan sonra mülayim şimal-şərq küləyi əsəcək.
“Mülayim şimal-şərq küləyi avqustun 2-si gündüz şimal-qərb küləyi ilə əvəzlənəcək”, – deyə o vurğulayıb.
