Lənkəranda 20 Yanvar şəhidlərinin xatirəsi anılıb- FOTOLAR

Lənkəranda 20 Yanvar şəhidlərinin xatirəsi anılıb

20 Yanvar faciəsinin 28-ci ildönümü Lənkəranda şəhidlərin ruhuna ehtiramla qeyd olunur. 

Gununsesi.info-nun məlumatına görə, bu münasibətlə bu gün səhər saatlarından minlərlə rayon sakini şəhərin mərkəzində yerləşən Şəhidlər Xiyabanına gələrək 20 Yanvar qurbanlarının xatirəsini yad edib. Mərasim zamanı Lənkəran Şəhər İcra Hakimiyyətinin başçısı Taleh Qaraşov, İcra aparatının rəsmiləri, hüquq-mühafizə orqanlarının rəhbərləri, əmək kollektivlərinin, ictimaiyyətin nümayəndələri Şəhidlər Xatirə Kompleksinin önünə tər çiçəklər düzüblər. İcra başçısı eyni zamanda abidə önundə şəhid ailə üzvləri ilə görüşərək söhbət edib və bir daha onların qayğıları ilə maraqlanıb.

Qeyd edək ki, 1990-cı ilin 20 Yanvar hadisələri zamanı milli azadlıq uğrunda mübarizədə 11 nəfər lənkəranlı şəhid olub. Onlardan 5 nəfəri Bakıda, 5 nəfəri Lənkəran rayonunun Haftoni qəsəbəsində sovet ordusunun cəza dəstəsi ilə qeyri-bərabər döyüşdə şəhid olub, 1 nəfəri isə rus hərbçiləri tərəfindən vertolyotda boynuna məftil bağlamaqla amansızcasına boğularaq öldürülüb.

Lənkəranda 20 Yanvar şəhidlərinin xatirəsinə möhtəşəm abidə kompleksi ucaldılıb, adları küçələrə verilib, məzarları ətrafında abadlıq-bərpa işləri görülüb.

Mərasim günü saat 12-də rayon ərazisində şəhidlərin xatirəsi bir dəqiqəlik sükutla yad edilib.

Gununsesi.info

COMMENTS