Lənkəranda ölümlə nəticələnən ağır yol-qəza hadisəsi baş verib.
Gununsesi.info xəbər verir ki, hadisə nəticəsində iki nəfər ölüb,bir nəfər yaralanıb. Ağır yol-qəza hadisəsi gecə saatlarında ,Ələt-Astara magistralının Lənkəran rayonu Asfilal kəndi ərazisindən keçən hissəsində qeydə alınıb.
Belə ki, dövlət seriya nömrəsi Rusiya Federasiyasına məxsus C047 BY VAZ-21099 markalı minik avtomobili dövlət qediyyat nömrəsi Azərbaycan respublikasına məxsus digər nəqliyyat vasitəsi ilə toqquşub. Toqquşma nəticəsində VAZ 21099 markalı minik avtomobilində olan sürücü və sərnişin, Lənkəran rayon Xanbulan kənd sakini 58 yaşlı, Fikrət Abdullayev və 68 yaşlı İmran Dövlətov hadisə yerindəcə dünyalarını dəyişiblər. Hadisə zamanı xəsarət alan Lənkəran rayon Xanbulan kənd sakini, 68 yaşlı Xanəli İnətullayev isə, Lənkəran Rayon Mərkəzi Xəstəxanasına çatdırılıb. Həkimlər onun vəziyyətinin ağır olduğu bildirir. Hadisə yerinə dövlət yol polisinin əməkdaşları cəlb olunub. Qəza yeri müayinə edilib.
İki nəfərin həyatına son qoyan qəzanın dəqiq səbələri araşdırmalardan sonra məlum olacaq.
Gununsesi.info
