Sentyabrın 7-də saat 08:30-da Laçın rayonu Ağanus kəndi ərazisində yol-nəqliyyat hadisəsi baş verib.
Gununsesi.info xəbər verir ki, bu barədə Dövlət Sərhəd Xidmətinin Mətbuat Mərkəzindən bildirilib.
Qeyd edilib ki, hadisə nəticəsində “Toyota” markalı avtomobildə olan “SOCAR Petroleum” QSC-yə məxsus podratçı şirkətin üç əməkdaşı – Muxtar Gözəlov, Məhəmməd İbiyev və Anar Qurbanov – müxtəlif dərəcəli bədən xəsarətləri alıb.
Yaralılara ilkin tibbi yardım göstərildikdən dərhal sonra onların Dövlət Sərhəd Xidmətinin tibbi helikopteri ilə həkimlərin nəzarəti altında Bakı şəhərinə təxliyəsi təmin edilib.
